Ааптар бу хомуурунньукка Төрөөбүт дойду ырыаҕа ылламмыт, хоһооҥҥо холбоммут Кыыс Амма хатыламмат дьикти айылҕатын, күн сирин көрбүт Сулҕаччытын, улааппыт, куорсун анньыммыт, кынат үүннэрбит олоҕун уйатын - Соморсунун кэрэтин, күндүтүн истиҥ иһирэх тылынан дириҥ иэйиилээхтик хоһуйбут айымньылара киирдилэр. Улуус албан ааттаах историятын сырдатар, Амманы ааттатар айар куттаах үтүө дьонугар анабыл хоһоонноро дойдубут дьонун-сэргэтин, ыччатын төрөөбүт төрүт түөлбэнэн киэн туттуу, Амма сырдык аатыгар сүгүрүйүү тыыныгар иитэр, өйдөтөр аналлаахтар. Кинигэҕэ ааптар ырыа буолан ылланар үгүс лирическэй хоһоонноро киирдилэр